زي ما القطيع يقول :)

اكتب اليوم، من موقعي هذا تعليقا علي بعض الخري الذي مر علي في الأيام الفائتة... ومن اهم هذا الخري العظيم هو انتشار موجة من الوساخة والقرف علي دماغنا متلخصة في سعادة وفرح ولاد الوسخة بخصوص الكوارث الطبيعية وهلاك "الكفار" في إعصار ساندي بالولايات المتحدة :) 

طبعا اي حد بيعرف يقرأ عربي أو انجليزي أو اي حاجة أصلا هيقدر يميز إن دي مدونة لاسلطوية - اي بمعني أصح، اللي بيكتب اللي بتاعة دي حلم حياته اختفاء كل حكومات العالم بسلاحها ببابا غنوجها من علي وجه الكوكب أساسا، ودا بس علشان أسبق ولاد الوسخة اللي هيقولوا ده صهيوني وبيحب أمريكا وعنده خياشيم وكدة. أحب أقول لك يا توتو إنت وسوسو إن يا حبيبي جهلك بتقريبا كدة كل علوم الانسانية وغبائك العام هو أكبر دفعة ومساعدة للرأسمالية العالمية ومش المدونة بتاعتي :) 

نرجع لموضوعنا ، الصراحة كدة ومنغير لف ودوران ، الحقيقة اتصدمت من كمية الناس اللي شفتها في اليومين اللي فاتوا شمتانين ومبسوطين اوي إن في بني ادمين بتموت في أمريكا :) ، أحب أقول لك يا عسل إن إنت وهي أكبر إهانة للأديان السماوية اللي بتدافعوا عنها باستماته اوي بين طيات الصفحات المساندة لميستر بيبسي وغيره. 

عايز بس أوضح، إني اخر واحد ينفع يدافع أو يحامي عن الأديان، بس أنا شايف مغالطة منطقية شنيعة نابعة من إن واحد يفرح اوي لموت الأخرين وبعدين يقول دا أنا باحب كل الناس وبتاع سلام وكده. 

طبعا في نوع اخر من حيوانات الرعي والساقية بيردد زي العبيط إن اللي بيحصل هناك ده غضب من الله، ... أظن إن أنا مش محتاج أوضح وجهة نظري في الحتة دي علشان اي إنسان قادر علي معرفة قفاه من وجهه يقدر يعرف مشكلة الفكرة دي : وأقدم لكم قائمة ملخصة عن بعض الكوارث الطبيعية وحصادها من الضحايا في بلاد المؤمنين في القرن الماضي : 

• 1902 - الكوليرا - مصر - 35ألف ضحية 
• 1935 - زلزال بالوشيستان في باكستان - 60 ألف ضحية 
• 1939 - زلزال - تركية - 32ألف ضحية 
• 1947 - الكوليرا تاني - مصر - 20ألف ضحية 
• 1948 - زلزال - تركمانيستان - 100ألف ضحية 
• 1954 - زلزال - الجزائر - 1600 ضحية 
• 1960 - زلزال أغادير - المغرب - 15ألف ضحية 
• ايران اتفشخت من سنة 1960 حتي 1989 بس مش هقول تفاصيل عشان الخرفان هيقولوا علشان شيعة هاهاهاها
• 1991 - إعصار - بنجلادش - 140ألف ضحية 
• 1991 - مجاعة - الصومال - 280ألف ضحية 
• 1999 - زلزال - تركيا - 30ألف ضحية 
• 2004 - تسونامي - اندونيسيا - 290ألف ضحية 
• 2005 - زلزال كشمير - باكستان - 85ألف ضحية 
• 2006 - زلزال جافا - اندونيسيا - 6الاف ضحية 
• 2007 - فيضان - السودان - 70 ضحية 
• 2007 - إعصار - بنجلادش - 10الاف ضحية
• 2009 - فيضان - السعودية - 77 ضحية في وقت الحج  
• 2011 - زلزال - تركيا - 200 ضحية 

إعصار ساندي ، الولايات المتحدة ، 2012 - 35 ضحية :)))

لسا اسمه غضب من الله يا عبيط عيلتك منك له ولا اسمها كارثة "طبيعية" ها ؟؟؟

ابوس أيديكوا كفاية تصرفات قطيع كدة وأي حد عامل نفسه كبير عليك علشان مبيحلقش دقنه مش لازم تصدقه لما يقول اي حاجة والسلام :) وشكرا :))